மிட்டாய் வேண்டுமா?

மிட்டாய் வேண்டுமா?
சின்னச் சின்ன உருண்டை மிட்டாய்
சீனியிலே செய்த மிட்டாய்
கண்ணைப் பறிக்கும் வண்ணங்களில்
கலப்பில்லாத அசல் மிட்டாய்
பச்சை நிறமான மிட்டாய்
பட்டு நிறம் காட்டும் மிட்டாய்
இச்சையுடன் வாங்கித் தின்றால்
இன்பம் தரும் அழகு மிட்டாய்
பாலைப் போல வெள்ளை மிட்டாய்
பாகு போல இனிக்கும் மிட்டாய்
காலைப் பகல் மாலையிலும்
கடித்துத் தின்று மகிழ்ந்திடலாம்
தின்னத் தின்னத் தெவிட்டாது
தேனும் இதுபோல் இனிக்காது
நாவில் ஊறும் சுவையதுவும்
நாள் முழுதும் மாறாது.



இந்த பாடல் எழுதியவர் யாரென்று தெரியவில்லை.
நான் மூன்றாம் வகுப்பு படிக்கும்போது மயில் வாசகம் என்ற பாடநூலில் வந்தது.