ஈன்றெடுத்த தாய்

அகிலம் என்னும் புதுமையை நீ

அறிமுகம் செய்தாய் - உன் படைப்பிற்கு

ஆண்டவனை நிகர் கூறினேன்

புதிதாய் ஈன்றவனைக் காண நீ

புது வலிகளைப் பொறுத்தாய் - உன் பொறுமைக்கு

பூமியை நிகர் கூறினேன்

நடப்பது முதல் நடனம் புரியும்வரை

கற்றுத் தந்தாய் - உன் போதனைக்கு

குருவை நிகர் என்றேன்

அண்டத்தை அறிமுகம்செய்தாய் ஆனால் இன்று

ஆண்டவனே கதியென்று முதியோர் இல்லம் புகுந்தாய்

அப்படி இருந்தும் "அவன் என் மகன் " என்றாயே

தாயே ! உன் தாய்மைக்கு நிகர் யாரம்மா ?

புவனா .